Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырауда 22 жастағы жігіт көшеде психотроптық дәрілерді сатқан

2021 жылдың 31 мамыр 2021 15:59

АТЫРАУ. ҚазАқпарат – Атырауда 22 жастағы жігіт психотроптық дәрілерді сатып келген, деп хабарлайды ҚазАқпарат.

Облыстық Полиция департаменті баспасөз қызметінің ақпаратына қарағанда, психотроптық препараттарды сатумен айналысқан азамат «Дәрмек» жедел-алдын алу іс-шарасы кезінде анықталған.

«Ол Атырау қаласындағы Азаттық көшесінде психотроптық дәрілерді заңсыз сатып жүрген. Тексеру кезінде 1999 жылы туған жігіттен 58 дана Трамадол, 31 дана Трапикамед дәрі-дәрмектері алынды. Қазір ҚР Әкімшілік құқықбұзушылық туралы кодексінің 426-бабымен (Фармацевтикалық қызметтің және дәрілік заттардың, медициналық мақсаттағы бұйымдар мен медициналық техникалық айналысы саласының қағидаларын бұзу) Медициналық және фармацевтикалық бақылау комитеті Атырау облысы бойынша департаментіне шешім қабылдау үшін іс-құжаттар жолданды», - дейді облыстық Полиция департаментінің бастығы Қамза Үмбетқалиев.

Оның айтуынша, «Дәрмек» жедел алдын алу іс-шарасы кезінде 5 әкімшілік құқық бұзушылық анықталған. Сондай-ақ, 2 медицина қызметкерінен Трамадол дәрісінің 69, Тропикамед дәрілік препаратының 1280 таблеткасы алынған.

Еске сала кетелік, бұдан бұрын Атырауда 36 жастағы әйел трамадол дәрісінің 60 данасын заңсыз сатқанын хабарлаған едік.


Жоғары қарай