Ауа райы
Астана -25 °С
Алматы 0 °С
валюта бағамы
USD 421.58
EUR 496.83
RUB 5.53
CNY 62.20

Атырауда әлем чемпионы Бекзат Нұрдəулетовтің алғашқы кəсіби жекпе-жегі өтеді

2020 жылдың 27 қазан 2020 13:37

АҚТАУ. ҚазАқпарат - 31 қазанда Атырауда әлем чемпионы Бекзат Нұрдəулетовтің алғашқы кəсіби жекпе-жегі өтеді, деп хабарлайды ҚазАқпарат тілшісі облыстық бокс федерациясына сілтеме жасап.

Оның қарсыласы Танзания елінен келген 28 жастағы Ибрахим Маокола.

Сенбі, 31 қазан күні Атырауда «Suleimen Promotions» компаниясының бокс кеші өтеді. Шара аясында кәсіпқой бокстағы дебюттік жекпе-жегін қазақстандық үш боксшы өткізеді. Олар: 2019 жылғы жеңіл салмақтағы әлем чемпионы Бекзат Нұрдәулетов, Данила Семенов және 2017 жылғы Азия вице-чемпионы Абылайхан Жүсіпов.

Турнирге әлемнің басқа елінен келген спортшылар да қатысады. Жекпе-жек 6 раундқа есептелген.


Автор Қаракөз Марат
Басты сөздер: Маңғыстау облысы, Спорт,
Жоғары қарай