Ауа райы
Астана -26 °С
Алматы -1 °С
валюта бағамы
USD 421.58
EUR 496.83
RUB 5.53
CNY 62.20

Атырауда аукцион арқылы кәсіпкерлерге 100-ден астам жер телімі сатылған

2020 жылдың 22 қазан 2020 06:38

АТЫРАУ. ҚазАқпарат – Атырауда кәсіпкерлерге аукцион арқылы 104 жер телімі сатылған, деп хабарлайды ҚазАқпарат.

Облыстық жер қатынастары басқармасының басшысы Әлібек Ермекқалидың мәліметінше, аймақтағы жер қоры - 11 млн 863 мың гектар.

Жер қоры ауыл шаруашылығы мақсатындағы, елді мекендер, өнеркәсіп, көлік, байланыс, ерекше қорғалатын табиғи аумақтар, орман қоры, су қоры, босалқы секілді санаттарға бөлінеді.

«Биылғы 9 айда кәсіпкерлік мақсатта аукцион арқылы 104 жер телімі, ауыл шаруашылығы мақсатында конкурс арқылы 132 жер телімі табысталды. 2017-2021 жылдарға арналған жер қатынастарын реттеу байланысты Жол картасы жасақталып, осыған сәйкес 126 елді мекеннің шекарасы бекітілуі қажет екен. 2017 жылы аудандарда 8 елді мекеннің, 2018 жылы 34 елді мекеннің, 2019 жылы 39 елді мекен шекарасы белгіленді. Ал, биыл 45 елді мекеннің шекарасын белгілеу бойынша жерге орналастыру жұмыстары жүріп жатыр», - дейді Әлібек Ермекқалиев.

Сондай-ақ, ҚР Үкіметінің 2016 жылғы қаулысына сәйкес, Махамбет ауданы Алмалы ауылдық округінің 7145 гектар жері Атырау қаласына берілсе, Қызылқоға ауданының жер қорынан жалпы көлемі 413,361 гектарды Мақат ауданына беру жөнінде жоба жүргізілген.

Жоғары қарай