Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырауда екі қабатты мансардты үй өртеніп кетті

2021 жылдың 20 қыркүйек 2021 21:47

АТЫРАУ. ҚазАқпарат – Атырау қаласында екі қабатты мансардты үй өртеніп кетті, деп хабарлайды ҚазАқпарат.

Облыстық төтенше жағдайлар департаменті баспасөз қызметінің мәліметіне сүйенсек, диспетчерлік пультке бүгін, 20 қыркүйекте сағат 13:34-те Атырау қаласының Жұмыскер шағынауданындағы 380-д мекен-жайында орналасқан тұрғын үйден түтін шығып жатқаны туралы хабар түскен.

«Департаменттің өрт сөндірушілері сағат 13:43-те шақырту орнына жетіп, мансардты тұрғын үй жанып жатқанын анықтады. Өртті сөндіруге арнайы қызметтің 15 қызметкері мен 3 техникасы жұмылдырылды. Жалын сағат 13:59-да оқшауланып, сағат 14:17-де толық сөндірілді. Өртенген аумақ 180 шаршы метрді құрады» -деп хабарлады департаменттің баспасөз қызметі.




Өрттен зардап шеккендер мен қаза тапқандар жоқ. Қазір жалынның неден тұтанғаны анықталып жатыр.

Еске сала кетелік, бұдан бұрын Атырауда тұрғын үйдің шатыры өртенгенін жазған едік.





Жоғары қарай