Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырауда есірткімен ұсталған полицейлер 7 жылға сотталды

2021 жылдың 5 тамыз 2021 18:45

АТЫРАУ. ҚазАқпарат – Атырауда есірткімен ұсталған полицейлер 7 жылға сотталды, деп хабарлайды ҚазАқпарат.

Бұған дейін Атырау облыстық полиция департаментінің екі қызметкері тыйым салынған затпен ұсталған болатын.

«Атырау қаласының №2 соты облыстық полиция департаментінің қызметкерлеріне қатысты айыптау үкімін шығарды. Полицейлерге ҚР Қылмыстық Кодексінің 296-бабының 4-бөлігімен аса ірі мөлшерде гашиш есірткісін өткізу мақсатынсыз заңсыз сатып алғаны, сақтағаны және тасымалдағаны үшін айып тағылды», - деп хабарлады соттың баспасөз қызметі.

Полиция қызметкерлері аса ірі мөлшерде есірткі заттарын заңсыз сатып алғаны, сақтағаны және тасымалдағаны үшін кінәлі деп табылды. Жасалған қылмыстың қоғамға қауіптілігіне байланысты олар капитан мен полиция майоры шенінен айырылып, 7 жылға сотталды.

Үкім заңды күшіне енген жоқ.


Жоғары қарай