Ауа райы
Астана -2 °С
Алматы 2 °С
валюта бағамы
USD 421.58
EUR 496.83
RUB 5.53
CNY 62.20

Атырауда нөмірсіз жүрген 200-ге жуық көлік анықталды

2020 жылдың 19 қыркүйек 2020 04:40

АТЫРАУ. ҚазАқпарат –Атырау облысында жыл басынан бері мемлекеттік тіркеу белгісі жоқ көліктерді басқарған 169 жүргізуші анықталды, деп хабарлайды ҚазАқпарат.

«Аталған көлік жүргізушілеріне қатысты ҚР Әкімшілік құқықбұзушылық туралы Кодексінің 590-бабына сәйкес (Құжаттары жоқ және жүргізу құқығы жоқ адамның көлiк құралдарын жүргізуі) хаттамалар толтырылды. Жүргізушілердің әрқайсысына 10 АЕК (27780 теңге) мөлшерінде айыппұл салынды. Сонымен қатар, 73 көлік құралы арнаулы тұраққа жеткізілді» -деп хабарлады облыстық полиция департаментінің баспасөз қызметі.

Ал 16 қыркүйекте мемлекеттік тіркеу белгісі жоқ көлікті басқарған 3 жүргізуші анықталып отыр. Оларға да әкімшілік құқық бұзушылық туралы хаттама жасақталған.

Еске сала кетелік, бұдан бұрын Атырауда 385 мас жүргізуші жеті жылға көлік жүргізу құқығынан айрылған болатын.



Жоғары қарай