Ауа райы
Астана 18 °С
Алматы 18 °С
валюта бағамы
USD 412.55
EUR 465.73
RUB 5.79
CNY 58.91

Атырауда театр тарландарына арналған композиция қойылды

2020 жылдың 25 мамыр 2020 23:40

АТЫРАУ. ҚазАқпарат – Атырауда Махамбет атындағы академиялық қазақ драма театрының алдына Қазақстанның Еңбек Ері Асанәлі Әшімовтің, КСРО халық әртістері Хадиша Бөкеева мен Сәбира Майқанованың, Қазақ КСР халық әртісі Нұрмұхан Жантөриннің композициялық ескерткіші қойылды, деп хабарлайды ҚазАқпарат.

Театр директоры Берік Жәменовтің айтуынша, ашық алаңдағы композиция «Шығармашылық әңгіме» деп аталады. Бұл композицияны алматылық склупьтор Гүлфия Мелдеш жасаған.

«Біз халық әртістерінің атын ел есінде сақтауымыз қажет. Өйткені, олар – отандық кинематография мен театр өнерінің бастауында тұрған қайталанбас өнер тарландары. Оларды аға буын жақсы біледі. Алайда, кейінгі буын үшін олардың еңбегі тарихқа айналып барады», - дейді Берік Жәменов.

Бұл композицияны орнату идеясы өткен жылы туындаған. Идеяны іске асыру үшін Атырауда қойылған бірнеше скульпторлық мүсіннің авторы Гүлфия Мелдешке ұсыныс жасалған.



Жоғары қарай