Ауа райы
Астана 19 °С
Алматы 18 °С
валюта бағамы
USD 399.67
EUR 452.95
RUB 5.82
CNY 56.36

Атырауда тұрақтандыру қорына қосымша 17 115 тонна ұн сатып алынады

2020 жылдың 30 наурыз 2020 05:20

АТЫРАУ. ҚазАқпарат –Атырау облысында тұрақтандыру қорына қосымша 17 мың 115 тонна ұн сатып алынады, деп хабарлайды ҚазАқпарат.

Атырау қалалық кәсіпкерлік және туризм бөлімінің мәліметіне қарағанда, қазір 8 наубайхана үзіліссіз жұмыс істеп тұр. Оларда тәулігіне 40 мың бөлке нан пісіріледі. Ал «Дәулет Нан» ЖШС-нің нан пісіру цехы өндіріс қуатын ұлғайтуды көздеп отыр. Мұнда осы кезге дейін тәулігіне 7 мың бөлке нан пісірілген. Енді ол көлем тәулігіне 15 мыңға дейін арттырылады.

«Қазіргі уақытта нан цехында 90 адам жұмыс істейді. Жұмысшылар санын қысқартпаймыз. Керісінше, қосымша адамдарды тартып, жұмысшылар қатарын көбейтеміз», - дейді «Дәулет Нан» ЖШС-нің өкілі Фарух Абдуллаев.

Өңірлік коммуникациялар қызметінің мәліметінше, Атырау облысында 824 тонна ұн қоры бар. Оның 520 тоннасы тұрақтандыру қорында сақтаулы тұр. Жергілікті әкімдік төтенше жағдай кезіндегі тұрақтылықты сақтау үшін қосымша 17 мың 115 тонна ұн сатып алуды жоспарлап отыр.


Жоғары қарай