Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Атырауда тұрғылықты мекен-жайы жоқ 50-ге жуық адам арнайы орталыққа жеткізілді

2022 жылдың 30 қаңтар 2022 23:32

АТЫРАУ. ҚазАқпарат – Атырауда тұрғылықты мекен-жайы жоқ 50-ге жуық адам арнайыорталыққа жеткізілді, деп хабарлайды ҚазАқпарат.

Облыстық Полиция департаменті баспасөз қызметінің ақпаратына қарағанда, учаскелік

полиция инспекторлары қиын өмірлік жағдайға тап болған адамдар паналайтын орындарды тексеруді қолға алған.

«Ауа-райы күрт суытатын қысқы мезгілде тұрғылықты мекен-жайы жоқ адамдар жылу

трассалары мен жертөлелерді, қараусыз қалған саяжай үйлері секілді орындарды паналайды. Рейд жүргізген сақшылардың міндеті – үй-күйсіз жүрген адамдардың суықта үсіп қалуын болдырмау. Осындай рейдтік іс-шараның бірінде учаскелік полиция қызметкерлері тұрғылықты мекен-жайы жоқ 6 адамды анықтап, Атырау қалалық полиция басқармасының қабылдау-тарату орталығына орналастырды. Ал, жыл басынан бері қабылдап-тарату орнына тұрғылықты мекен-жайы жоқ 50-ге жуық адам жеткізілді», -деп хабарлады департаменттің баспасөз қызметі.

Еске сала кетелік, бұдан бұрын Атырауда түн ортасында балконда тұрған 4 жасар құтқарылғанын хабарлаған едік.


Автор Бек Мұстафа
Басты сөздер: ҚР ІІМ, Қоғам, Атырау облысы,
Жоғары қарай