Ауа райы
Астана 19 °С
Алматы 15 °С
валюта бағамы
USD 412.55
EUR 468.66
RUB 5.79
CNY 58.80

Атырауда жедел жәрдем бригадасы өзекке құлаған баланы аман алып қалды

2020 жылдың 26 мамыр 2020 22:26

АТЫРАУ. ҚазАқпарат – Атырау облысында жедел жәрдем бригадасы өзекке құлаған баланы аман алып қалды, деп хабарлайды ҚазАқпарат.

Оқыс оқиға Жылыой ауданында болған. Құрсай өзегінің жағалауында ойнап жүрген кішкентай бала суға құлап кеткен. Әкесі баланы судан шығарған. Бірақ, бала есінен танып қалған.

«Баланың әжесінен жедел жәрдемге шақырту түсті. Оқиға орнына 3 минутта жеттік. Суды көп жұтқандықтан, баланың тыныс алу жолдары бітеліп қалған екен. Сол себептен, бала есінен танып, беті көгеріп кеткен. Оның үстіне судың салқындығынан қатты тоңған. Біз тағы бір минутқа кешіккенде, оның өмірін сақтай алмас едік», - дейді Жылыой аудандық жедел жәрдем станциясының фельдшері Ботагөз Бағытжанова.

Дәрігерлер сол жерде жан сақтау бөлімінде істелуі тиіс медициналық көмекті көрсеткен. Алдымен, баланың өкпесін судан тазартып, жүрегіне массаж жасаған. Оттегі беріп, жылы жамылғыға орап, аудандық орталық ауруханаға жеткізген. Сол жерде есін жиған баланы дәрігерлер жіті тексеруден өткізген. Өміріне төнер қауіп жоғына көз жеткізген дәрігерлер баланы үйіне жіберген.


Автор Бек Мұстафа
Басты сөздер: Қоғам, Атырау облысы, Оқиға,
Жоғары қарай