Ауа райы
Астана -17 °С
Алматы 3 °С
валюта бағамы
USD 421.58
EUR 496.83
RUB 5.53
CNY 62.20

Атыраудағы блокпосттар брондалған техникамен күшейтілді

2020 жылдың 5 сәуір 2020 08:55

АТЫРАУ. ҚазАқпарат – Атырау қаласының 4 бағытына қойылған блокпосттарда тәжірибелі әскерилер кезекшілік атқаруға кірісті, деп хабарлайды ҚазАқпарат.

«Батыс» өңірлік қолбасшылығы басқармасы баспасөз қызметінің хабарлауынша, Атыраудағы 4 блокпостта 60-қа жуық әскери қызметші екі ауысыммен кезекшілікті атқаруға кіріскен. Әскерилер кезекшілікті полиция қызметкерлерімен бірге атқарады. Олардың блокпосттардағы қызметін күшейту мақсатында 4 «Арлан» брондық техникасы бөлінген.

«Шектеу бекеттеріне тәжірибелі әскери қызметкерлер тартылды. Олар қазіргі қалыптасқан жағдайды және аймаққа қандай қауіп төніп тұрғанын жақсы түсінеді. Әскери қызметшілер түрлі қызметтік жағдайларда дұрыс шешім қабылдап, халық игілігіне қызмет етуге әзір» -деді «Батыс» өңірлік қолбасшылығы әскерлерінің қолбасшысы Нұрлан Алдияров.





Бұған дейін «Батыс» өңірлік қолбасшылығынан нысандарды дезинфекциялауға, қаланы патрульдеумен бірге, блокпосттарды күшейту үшін тиісті дайындығы бар келісімшарттағы әскери қызметшілер тартылған болатын.








Жоғары қарай