Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Australian Open: Михаил Кукушкин екінші айналымға өте алмады

2022 жылдың 17 қаңтар 2022 16:40

НҰР-СҰЛТАН. ҚазАқпарат – Қазақстандық Михаил Кукушкин Аустралия ашық чемпионатының екінші айналымына өте алмады, деп хабарлайды ҚазАқпарат тілшісі.

Дүниежүзілік рейтингте 180-орында тұрған қазақстандық теннисші алғашқы айналымда әлемнің 41-ракеткасы, америкалық Томми Полмен кездесті.

Америкалық теннисші 6:3, 6:4, 6:2 есебімен жеңіске жетті.

М.Кукушкин 1 сағат 40 минутқа созылған матчта 3 эйс жасап, 3 брейк-пойнттың біреуін ғана пайдаланды. Қарсыласы 9 эйс, 5 брейкке (10 брейк-пойнт) қол жеткізді.

Осылайша Аустралия ашық чемпионатының бірінші күні екінші қазақстандық теннисші жарыс жолынан шығып қалды.

Еске сала кетейік, бұдан бұрын Аустралия ашық чемпионатында алғаш рет тоғыз қазақстандық теннисшінің өнер көрсететінін, Юлия Путинцеваның алғашқы айналымнан аса алмағанын, Александр Бубликтің чемпионатты жеңіспен бастағанын жазған болатынбыз.






Автор Елжан Ералы
Басты сөздер: Спорт,
Жоғары қарай