Ауа райы
Астана -5 °С
Алматы 9 °С
валюта бағамы
USD 447.67
EUR 491.36
RUB 5.74
CNY 63.07

Ауыл әкімінің көмегімен трассада үш елдің азаматтары құтқарылды

2020 жылдың 17 қаңтар 2020 20:29

АҚТӨБЕ. ҚазАқпарат – Ақтөбеде Әлімбет ауылының әкімі жолда қалған жолаушыларды құтқару үшін төтенше жағдайлар қызметінен көмек сұрады, деп хабарлайды ҚазАқпарат тілшісі.

16 қаңтар күні сағат 20:37-де Қарғалы ауданының өрт сөндіру бекетіне Әлімбет ауылынан хабар түскен. Ауыл әкімі ауа райына байланысты Ақтөбе – Орск автожолы жабылғанын, жолда көліктер қалып қойғанын айтқан.

«Көліктер қар құрсауында қалған. Оқиға орнына 2 техника мен құтқарушылар жіберілді. Ақтөбе-Орск тасжолында Өзбекстанның 46 азаматы бар жолаушылар автобусы және Ресей мен Қазақстанның 5 көлігі тоқтап қалған. Оларда 9 адам болған. Ауылдық округ әкімі жолды тазалау және тұрып қалған автокөлік жолаушыларын Әлімбет орта мектебі мен дәмханаға орналастыру туралы шешім қабылдады. Жолаушылар жылыту пунктінде тамақпен, жатын орынмен қамтамасыз етілді», - деп хабарлады облыстық ТЖД баспасөз қызметінен.
Айта кетейік, бүгін трассалар ашылып, жолаушылар өз бағыттары бойынша жолдарын жалғастырды.





Жоғары қарай