Ауа райы
Астана 3 °С
Алматы 0 °С
валюта бағамы
USD 435.54
EUR 473.08
RUB 5.76
CNY 61.64

Ауыр атлет Артем Антропов Ташкентте жасөспірімдер арасында алтын алды

2020 жылдың 18 ақпан 2020 17:15

ТАШКЕНТ. ҚазАқпарат – Жасөспірімдер арасындағы Азия чемпионатында Артем Антропов 96 келіге дейінгі салмақ дәрежесінде үздік атанды, деп хабарлайды ҚазАқпарат.

Қарағанды ауыр атлетика мектебінің тәрбиеленушісі берілген алты мүмкіндікті сәтті пайдаланып, қоссайыс қорытындысы бойынша (155+210) 365 келі көтерді, сөйтіп қарсыласынан 19 келіге озып кетті.

Екінші орын ирандық Ирана Хаджавант Афшин Тахерида – 346 келі (160+186), ал сириялық АльгаферЭзеддин 333 келі көтеріп (148+185), қолаға қол жеткізді.

Өзбекстанда жарысқа шығатын 10 спортшыдан 102 келіге дейінгі салмақта өнер көрсететін Рахат Бекболат қана қалды.

Еске сала кетейік, ауыр атлетикадан жастар мен жасөспірімдер арасындағы Азия чемпионаты Өзбекстан астанасы Ташкент қаласында 13-20 ақпан аралығында өтіп жатыр. Азия құрлығының 20 елінен 14 қыздар және 18 ерлер командасы қатысады.


Басты сөздер: Спорт, Өзбекстан,
Жоғары қарай