Ауа райы
Астана -2 °С
Алматы -3 °С
валюта бағамы
USD 388.07
EUR 427.54
RUB 6.08
CNY 55.36

Бағлан Майлыбаев мерзімінен бұрын босап шықпайтын болды

2019 жылдың 15 қазан 2019 16:20

НҰР-СҰЛТАН. ҚазАқпарат – Президент әкімшілігі басшысының бұрынғы орынбасары Бағлан Майлыбаевтың мерзімінен бұрын шартты түрде босату туралы өтініші қанағаттандырылмады, деп хабарлайды ҚазАқпарат тілшісі.

«Нұр-Сұлтан қалалық соты қылмыстық істер жөніндегі сот алқасының 2019 жылғы 4 қыркүйектегі қаулысымен сотталушы Бағлан Майлыбаевтың мерзімінен бұрын шартты түрде босату туралы өтініші қанағаттандырылмады», - деді Нұр-Сұлтан қалалық сотының баспасөз хатшысы Ботагөз Баянова.

Естеріңізге сала кетсек, 2017 жылғы 13 маусымда Астана қаласы №2 Есіл аудандық соты ҚР ҚК 361-бабының 4-бөлігі, 185-бабының 3-бөлігінде қарастырылған қылмысты жасағанын мойындау туралы келісіммен сотқа келіп түскен Майлыбаев Бағлан Асаубайұлына және Галихин Николай Николаевичке қатысты қылмыстық істі қарады.

Сот үкімімен Б.Майлыбаев жоғарыда көрсетілген баптар бойынша кінәлі деп танылды және оған мүлкін тәркілеу, мемлекеттік органдарда лауазымды қызмет атқару құқығынан өмір бойына айыру және 5 жылға бас бостандығынан айыру жазасы тағайындалды.

Перевод Марлан Жиембай
Басты сөздер: Нұр-Сұлтан, Сот, Заң,
Жоғары қарай