Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Бақыт Сұлтанов сауданы дамытудағы түйткілдерді атады

2021 жылдың 24 қараша 2021 16:18

НҰР-СҰЛТАН. ҚазАқпарат – ҚР Сауда және интеграция министрі Бақыт Сұлтанов сауданы дамытудағы түйткілді проблемаларды атады, деп хабарлайды ҚазАқпарат тілшісі.

«Әлемдік жалпы ішкі өнімдегі сауданың үлесі 23 паызды құрайды. Сонымен бірге, әлемдік сауда үшін басты тәуекелдердің бірі - сауда протекционизмінің күшеюі. Дүниежүзілік банк сарапшыларының бағалауы бойынша жаһандық тауар айналымы 9 пайызға қысқарады. Ал, экономикалық аймақтардың күшеюі, әсіресе, Еуропалық Одақ және Азия-Тынық мұхиты елдерінде тауар айналымының 60 пайызы өңіраралық саудаға бейімделуде», - деді ол Сенатта өтіп жатқан Үкімет сағатында.

Министр осы тенденцияларды ескере отырып, сауданы дамытудағы бірқатар түйінді проблемаға тоқталып өтті.

«Олардың ішінде заманауи сауда форматтарының жетіспеушілігі және сауда-логистикалық нысандарының өзара қатынастарының болмауы бар. Сонымен қатар ішкі нарықта сапасы төмен тауарлардың, әсіресе шетелдік тауарлардың басым болуы азаматтарды толғандырады және отандық өнімнің қауіпсіздігін қамтамасыз ететін техникалық реттеу инфрақұрылымы жаңғыртуды қажет етеді. Қазақстандық тауардың сыртқы нарықтағы бәсекеге қабілеттілігі экспорттың құрамында шикізаттың басымдылығымен сипатталады. Бұдан басқа, экспортты ілгерілету инфрақұрылымындағы кедергілер өндірушілердің сыртқы нарықтарға қолжетімділігін қиындатады», - деді Бақыт Сұлтанов.


Жоғары қарай