Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Балалар жылы: ШҚО-да түрме қызметкерлері интернат оқушыларына азық-түлік жеткізді

2022 жылдың 27 қаңтар 2022 06:38

ӨСКЕМЕН. ҚазАқпарат – Шығыс Қазақстан облысында түрме қызметкерлері интернат оқушыларына азық-түлік жеткізді, деп хабарлайды ҚазАқпарат тілшісі.

ШҚО бойынша ҚАЖ департаменті баспасөз қызметінің мәліметіне сүйенсек, Өскемендегі ОВ 156/1 тергеу изоляторының ұжымы қаладағы мектеп интернаты тәрбиеленушілеріне азық-түлік жеткізді.

«Аталмыш түзеу мекемесінің қызметкерлері үнемі қайырымдылықпен айналысады. 2022 жылды Президент Қасым-Жомарт Тоқаевтың «Балалар жылы» деп жариялағаны белгілі. Осыған орай бұл жолы интернат оқушыларына көмек көрсету жайлы шешім қабылданған», - делінген ақпаратта.

Қылмыстық-атқару жүйесі департаменті қызметкерлерінің қамқорлығына риза болған мектеп директоры Анар Жетібаева өз алғысын жеткізді.

«Мектебімізге түскен психикалық ауытқушылығы бар балалардың 90 пайызы білікті мамандардың арқасында түзеліп шығады. Сондай-ақ түзету мекемесі ұжымының да зор көмегі тиіп жатыр. Балалардың атынан ризашылығымызды білдіремін, – деді ол.

Жоғары қарай