Ауа райы
Астана 6 °С
Алматы 10 °С
валюта бағамы
USD 447.60
EUR 489.41
RUB 5.71
CNY 63.05

Бәрі де заңды жолмен реттелуі керек – заңгер

2020 жылдың 27 ақпан 2020 15:56

ОРАЛ. ҚазАқпарат – Бәрі де заңды жолмен реттелуі керек. Бұл туралы Оралда бейбіт жиындар туралы заң жобасын талқылауға қатысқан Қазақстан инновациялық және телекоммуникациялық жүйелер университеті ЖОО-дан кейінгі білім беру бөлімінің жетекшісі, заң ғылымдарының кандидаты, доцент Талғат Рахметов мәлім етті, деп хабарлайды ҚазАқпарат тілшісі.

Оның айтуынша, аталмыш заң жобасы халық арасында кеңінен талқыға түсіп, ұсыныс-пікірлердің ескерілгені маңызды.

Бұрынғы заңға қарағанда, «Қазақстан Республикасында бейбіт жиындар, шеру, пикеттер, демонстрациялық жиналыстарды өткізу мен ұйымдастыру тәртібі туралы» заң жобасы азаматтардың өз құқықтарын молынан пайдалануға мүмкіндік береді.

«Заң жобасында демократия көптен орныққан шет елдердің тәжірибесі ескерілген. Осы орайда менің айтарым, бейбіт жиынды ұйымдастырушылар өз жауапкершілігін ұмытпауы тиіс. Мысалы, кейбір елдерде митингілер бейбіт басталып, соңы үйлерді қиратып, автокөліктерді өртеуге ұласып жатады. Мұндайға жол беруге болмайды. Ең бастысы, заң бірінші орында тұруы керек. Мен, тұтастай алғанда, заң жобасын қолдаймын», деді Талғат Рахметов.


Жоғары қарай