Ауа райы
Астана 0 °С
Алматы 6 °С
валюта бағамы
USD 421.58
EUR 496.83
RUB 5.53
CNY 62.20

Батыс Қазақстан облысында балықшы суға батып кетті

2020 жылдың 15 қыркүйек 2020 03:32

ОРАЛ. ҚазАқпарат – Батыс Қазақстан облысында балықшы суға батып кетті, деп хабарлайды ҚазАқпарат тілшісі.

БҚО Төтенше жағдайлар департаментінің баспасөз қызметінен мәлім еткендей, оқиға Ақжайық ауданы Сарытоғай ауылдық округінде болды.

61 жастағы тұрғын таңертең үйінен балық аулауға кетіп, содан оралмаған.

Жанама ауылынан бір шақырым жердегі Қарасу өзенінен марқұмның киімшең күйдегі денесін жергілікті тұрғындар сол күні түнде шығарды. Жағадан велосипед пен ауы бар қайық табылған.

Биыл облыста барлығы 14 адам суға кетсе, соның жетеуі – балалар.

Еске сала кетейік, бұдан бұрын Оралда екі адамға бұрыш баллонын шашқан тұрғынның ұсталғанын жазған болатынбыз.


Жоғары қарай