Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Батыс Қазақстан облысында жол апатынан екі адам қаза тапты

2022 жылдың 31 қаңтар 2022 19:21

ОРАЛ. ҚазАқпарат – Батыс Қазақстан облысында жол апатынан екі адам қаза тапты, деп хабарлайды ҚазАқпарат тілшісі.

БҚО ТЖ департаментінің баспасөз қызметі мәлім еткендей, оқиға 31 қаңтар күні шамамен сағат 13.10-да Ақжайық ауданы аумағында болды.

Чапаев-Казталов автожолының 15-шақырымында «ВАЗ-2107» мен «Тойота Камри» автокөлігі бетпе-бет соқтығысты.

Соның салдарынан «ВАЗ-2107» автокөлігінің жүргізушісі мен жолаушысы оқиға орнында қаза тапты.

Түрлі жарақат алған алты адам трассалық-медициналық құтқару бекетінің күшімен Ақжайық аудандық орталық ауруханасына жеткізілді. Олардың ішінде 2021 жылғы сәби бар.

БҚО полиция департаментінің баспасөз қызметі оқиғаны растап, «ВАЗ-2107» автокөлігінің 1995 жылғы жүргізушісі рульге ие бола алмай, «Тойота Камримен» түйіскенін жеткізді.

Қазіргі кезде ҚР ҚК 345-бабы 4-бөлігіне сәйкес сотқа дейінгі тергеу амалдары жүргізілуде.

БҚО денсаулық сақтау басқармасының баспасөз қызметі нақтылағанындай, көптеген жарақат алған 1960 жылғы ер адам аудандық аурухананың хирургия бөлімінде жатыр. 1982 жылғы әйел де сонда, оның жақ сүйектері, қолы сынған. Бас пен мидың жарақатына қоса кеудесінен қатты соққы алған. 1999 жылғы жігіт бас пен мидың жабық жарақатын алып, омыртқасы сынған. Тізе буынынан қатты соққы алған 1987 жылғы ер адам мен шат сүйегі сынған 1998 жылғы қыз амбулаториялық ем алуға жіберілді. 2021 жылғы сәби жарақат алмаған.

Жол апатынан қаза тапқанның екіншісі - 1987 жылғы ер адам.

Еске сала кетейік, бұдан бұрын Батыс Қазақстанда боранға байланысты жол жабылғанын жазған болатынбыз.








Жоғары қарай