Ауа райы
Астана 31 °С
Алматы 35 °С
валюта бағамы
USD 412.55
EUR 468.66
RUB 5.79
CNY 58.80

Батыс Қазақстанда тағы үш адам суға кетті

2020 жылдың 12 шілде 2020 20:53

ОРАЛ. ҚазАқпарат – Батыс Қазақстан облысында тағы үш адам суға кетті, деп хабарлайды ҚазАқпарат тілшісі.

БҚО Төтенше жағдайлар департаментінің баспасөз қызметінен мәлім еткеніндей, 11 шілде күні Орал қаласында 60 жастағы ер адам Жайық өзеніне белгісіз жағдайда батып кетті.

Марқұмның денесін 1-саяжай серіктестігі маңында құтқарушылар (3 қызметкер, 1 жүзу құралы, 1 техника) сағат 22.38-де шығарды.

Тағы бір қайғылы оқиға Ақжайық ауданы Базаршолан ауылдық округі Ескіесім елді мекені маңында болды. 12 шілде күні сағат 08.25-те құтқарушылар (4 қызметкер, 1 жүзу құралы, 1 техника) Жайық өзенінен 19 жастағы жігіттің денесін алып шықты. Ол 11 шілде күні жабдықталмаған жерден сағат 18.00-де батып кеткен.

12 шілде күні сағат 10.07-де Оралда «Комарово» саяжай серіктестігі маңында құтқарушылар (5 қызметкер, 1 жүзу құралы, 1 техника) 18 жастағы жігіттің денесін Жайықтан шығарды. Ол 10 шілде күні сағат 16.36-да жабдықталмаған жерде шомылу кезінде судан шықпай қалған.

Еске сала кетейік, бұдан бұрын Батыс Қазақстанда суға кеткендердің тең жартысынан астамы балалар екендігін жазған болатынбыз.


Жоғары қарай