Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Батыс өңірлік қолбасшылығының жеке құрамы КВИ-ге қарсы вакцина салдырды

2021 жылдың 6 мамыр 2021 09:00

АТЫРАУ. ҚазАқпарат – «Батыс» өңірлік қолбасшылығының жеке құрамы коронавирусқа қарсы вакцина салдырды, деп хабарлайды ҚазАқпарат.

«Батыс» өңірлік қолбасшылығы баспасөз қызметінің мәліметінше, Ақтау, Ақтөбе және Атырау гарнизондарының әскери бөлімдерінде жылжымалы вакциналау бекеттері ұйымдастырылған. Әскерилерді вакциналау ерікті түрде жүргізілген.

«Әскери қызметшілерге Қазақстанда өндірілген «Sputnik V» және «QazVac» вакциналары салынады. Барлық санаттағы әскери қызметшілерді, әсіресе, жаңадан шақырылған сарбаздарды қоса есептегенде, жеке құрамның шамамен 90% вакцина алды. Олардың ешқайсысында вакцинаның кері әсері байқалмады. Әскери қызметшілердің денсаулық жағдайы жақсы, - дейді «Батыс» өңірлік қолбасшылығы медициналық қызметінің бастығы, медициналық қызметтің майоры Нағысхан Оразымбетов.





Оның айтуынша, Отан қорғаушылар күніне «Батыс» өңірлік қолбасшылығының әскери бөлімдері вакцинаның бірінші компонентін салдыруды аяқтауды жоспарлап отыр.

Еске сала кетелік, бұған дейін Атыраудағы әскери гарнизонға 100 сарбаз келгенін жазған едік.


Жоғары қарай