Ауа райы
Астана -20 °С
Алматы -3 °С
валюта бағамы
USD 421.58
EUR 496.83
RUB 5.53
CNY 62.20

Бельгия коронавирустың екінші толқынын еңсеруде

2020 жылдың 22 қараша 2020 16:43

БРЮССЕЛЬ – ҚазАқпарат – Бельгиядағы «Sciensano» ғылыми орталығының соңғы мәліметтеріне сәйкес, қалада коронавируспен сырқаттанудың барлық көрсеткіштері төмендеуде, деп хабарлайды ҚазАқпарат.

11-17 қараша аралығында орта есеппен 3939 адамда COVID-19 вирусы анықталды, бұл өткен аптадағы көрсеткіштен 38%-ға аз. Бельгияда пандемия басталғаннан бері расталған жағдайлардың жалпы саны 553 680 адамды құрайды. Соңғы екі аптада 100 000 тұрғынға шаққанда 623,8 инфекция расталды, бұл бұған дейінгі екі аптадан 63%-ға аз.

Ауруханаға жатқызу көрсеткіштері 14-20 қараша аралығында орта есеппен 344,3 пациентті құрады, бұл алдыңғы кезеңнен 29%-ға аз. Бельгиядағы ауруханаларда барлығы 5418 коронавируспен ауыратын науқас бар. Бұған дейін Бельгия Үкіметі «қатаң локдаун» ағымдағы жылдың 13 желтоқсанына дейін ұзартылатынын хабарлаған болатын.

Сонымен қатар, мемлекет өкілдері Бельгияда Жаңа жыл қарсаңында карантин шараларын айтарлықтай әлсірету туралы айтудың қажеті жоқ екенін атап өтті.


Басты сөздер: Коронавирус, Әлем,
Жоғары қарай