Ауа райы
Астана 0 °С
Алматы 1 °С
валюта бағамы
USD 431.03
EUR 471.76
RUB 5.85
CNY 61.32

Беларусь премьері азаматтарын Қытайдан эвакуациялауға көмектескені үшін Қазақстанға алғыс білдірді

2020 жылдың 20 ақпан 2020 14:07

МИНСК. ҚазАқпарат – Беларусь мемлекетінің премьер-министрі Сергей Румас Беларусь азаматтарын Қытайдан эвакуциялауға көмектескені үшін қазақстандық әріптесіне алғыс хат жолдады, деп хабарлайды ҚазАқпарат БР Үкіметінің сайтына сілтеме жасап.

«Сергей Румас Беларусь Республикасы Үкіметінің атынан 2020 жылдың 2 ақпанында коронавирус ошағы ҚХР Хубэй провинциясынан шығу туралы шешім қабылдаған 5 беларусь азаматын арнайы рейспен эвакуациялауға жедел көмек көрсеткені үшін Қазақстанға алғыс білдірді», - делінген хабарламада.

Беларусь Үкіметінің басшысы азаматтарын Нұр-Сұлтан қаласындағы медициналық мекемеге орналастырып, 2 апта ішінде қажетті жағдай жасағаны үшін Асқар Маминге ризашылығын білдірді.

Премьер-министр алдағы уақытта да Беларусь мемлекеті мен Қазақстанның екіжақты қарым-қатынасты нығайтып, достық пен түсіністікте болатынын жеткізді.

Сонымен қатар, Сергей Румас әріптесіне зор денсаулық, жақсылық пен амандық тіледі.


Жоғары қарай