Ауа райы
Астана 9 °С
Алматы 5 °С
валюта бағамы
USD 432.55
EUR 470.83
RUB 5.84
CNY 61.31

Биатлоннан ӘЧ: Галина Вишневская үздік ондыққа кірді

2020 жылдың 18 ақпан 2020 21:31

НҰР-СҰЛТАН. ҚазАқпарат - Қазақстандық Галина Вишневская Италияның Антхольц қаласында биатлоннан 15 км жеке қашықтықта тоғызыншы орынға ие болды, деп хабарлайды ҚазАқпарат тілшісі.

Қазақстандық спортшы төрт мәрте нысана көздеуде бірде-бір оғын мүлт жіберген жоқ.

Тек жылдамдығы жағынан есе жіберген Галина қорытындыда үздік ондықтың қатарына кірді.

Жарыс барысында екі рет оғын нысанаға тигізе алмағанымен, қарқыны мықты италиялық Доротея Вирер мәре сызығын бірінші болып қиды. Бұл - оның осы біріншіліктегі екінші алтын медалі.

Д.Вирерден сәл-пәл қалып қойған германиялық Ванесса Хинц екінші, норвегиялық Марте Рейселанд үшінші орынға көтерілді.


Автор Елжан Ералы
Басты сөздер: Спорт,
Жоғары қарай