Ауа райы
Астана -2 °С
Алматы 2 °С
валюта бағамы
USD 421.58
EUR 496.83
RUB 5.53
CNY 62.20

Білім министрлігі ұстаздарға видеоқұттықтау жолдауға үндеді

2020 жылдың 1 қазан 2020 14:44

НҰР-СҰЛТАН. ҚазАқпарат – Білім және ғылым министрлігі қазақстандықтарды ұстаздарын кәсіби мерекесімен құттықтап, министрліктің Instagram парақшасына видеоқұттықтау жолдауға шақырды, деп хабарлайды ҚазАқпарат тілшісі.

«Мұғалімнің қоғамдағы мәртебесі - кез келген мемлекеттің бүгіні мен болашағының айқын көрсеткіші. Ұстаздарымызға білім беру мен тәрбиелеу ісіне қосқан өлшеусіз үлестері және кәсіпке деген адалдықтары үшін шын жүректен алғыс білдіреміз! Құрметті оқырмандар! Мұғалімдер күні қарсаңында ұстаздарыңызға арналған жылы лебіздеріңізді жолдай аласыздар. Ол үшін бейне құттықтауларыңызды Instagram желісінде @edu_news_kz парақшасын белгілеп, #Ұстазыма_Мың_Алғыс немесе #Спасибо_Вам_Учитель хештегтерін пайдалана отырып жариялау қажет», - деп хабарлады министрлік.

Ерекше құттықтаулар Білім және ғылым министрлігінің Instagram парақшасында жарияланады.

Үндеуге алғашқылардың бірі болып Мемлекеттік сыйлықтың иегері, әнші Сүндет Байғожин үн қатты.

«Мұғалімдерді кәсіби мерекелерімен шын жүректен құттықтаймын! Балаларымыздың тәрбиесіне қосқан баға жетпес үлестеріңіз үшін және таңдаған мамандықтарыңызға деген адалдықтарыңыз үшін алғыс айтамыз. Сіздерге шыдамдылық танытқандарыңыз және тынымсыз еңбектеріңіз үшін бас иеміз. Кәсіби мереке сіздерге жақсы көңіл-күй сыйлап, әріптестеріңіз бен оқушыларыңыздан жылы тілектер мен құттықтаулар көп болсын. Сіздерге мықты денсаулық және жұмыстарыңызда сәттілік тілеймін!» - деді ол.




Жоғары қарай