Ауа райы
Астана 21 °С
Алматы 24 °С
валюта бағамы
USD 412.55
EUR 468.66
RUB 5.79
CNY 58.80

Бірқатар лауазымды тұлғалар дипломатиялық дәрежеге ие болды

2020 жылдың 2 шілде 2020 10:41

НҰР-СҰЛТАН. ҚазАқпарат - Қазақстан Республикасының Дипломатиялық қызмет күніне орай ҚР Президенті Қасым-Жомарт Тоқаев бірқатар лауазымды тұлғаларға төтенше және өкілетті елші дипломатиялық дәрежесін берді, деп хабарлайды ҚазАқпарат.

Бұл жөнінде ҚР Сыртқы істер министрлігі мәлімет таратты.

Атап айтқанда, 4 адам жаңа дәрежеге ие болған.

- Асқар Оразалыұлы Шәкіров - ҚР Парламенті Сенаты Төрағасының орынбасары;

- Бауыржан Әлімұлы Мұхамеджанов - Қазақстанның Грузиядағы Елшісі;

- Ерлан Кеңесұлы Баударбек-Қожатаев - Қазақстанның Жапониядағы Елшісі;

- Роман Юрьевич Василенко - Қазақстанның Словакиядағы Елшісі.

Сондай-ақ, Мемлекет басшысымен бірқатар қазақстандық дипломаттарға кезекті дипломатиялық дәрежелері мен ҚР Президентінің Құрмет грамотасы берілді.

Жаңа дипломатиялық дәрежелер мен ҚР Президентінің Құрмет грамоталарын тапсыру рәсімі ҚР Сыртқы істер министрлігінде өтті.

Министр Мұхтар Тілеуберді қазақстандық дипломатияның қалыптасуы мен нығаюына атсалысқан дипломатиялық қызмет ардагерлеріне ведомстволық наградаларды табыстады.

«Іс-шара барлық санитарлық-эпидемиологиялық талаптарды және әлеуметтік қашықтықты сақтай отырып өтті. Кезекті дипломатиялық ранг пен наградалар шетелде жұмыс істейтін дипломаттарға да берілді», - деді министрліктен.



Жоғары қарай