Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Бітіру кешін дүркіретіп өткізген «Айқанат» білім беру мекемесіне айыппұл салынды

2021 жылдың 16 маусым 2021 14:04

КӨКШЕТАУ. ҚазАқпарат - Ақмола облысының Щучье қаласындағы «Айқанат» білім беру мекемесінде шектеу талаптарының бұзылғандығы анықталды, деп хабарлайды ҚазАқпарат тілшісі облыстық санитарлық-эпидемиологиялық бақылау департаментінің баспасөз қызметіне сілтеме жасап.

Ведомствоның мәліметінше, 2021 жылғы маусымның 14-де Щучье қаласының «Айқанат» білім беру мекемесінде көпшіліктің жиналуымен мектеп бітіру кеші салтанатты шарасы өтті.

«Шара коронавирус инфекциясының таралу қаупінің алдын алу бойынша санитарлық-эпидемияға қарсы, санитарлық-профилактикалық іс-шараларды ұйымдастыруға және жүргізуге қойылатын санитарлық-эпидемиологиялық талаптарды бұза отырып өткізілді. Осы жағдайға байланысты Бурабай аудандық санитарлық-эпидемиологиялық бақылау басқармасы Бурабай ауданының полиция бөлімінің рапорты негізінде Әкімшілік құқық бұзушылық кодексінің 802 бабы 2-ші бөлігі 1-ші бөлімшесі бойынша «Айқанат» білім беру мекемесіне қатысты Әкімшілік құқық бұзушылық кодексі 425 бабының 1-ші бөлігі бойынша 230 айлық есептік көрсеткіш мөлшерінде (670910 теңге) әкімшілік құқық бұзушылық хаттамасын толтырылды», - деді ведомстводан.





Жоғары қарай