Ауа райы
Астана -1 °С
Алматы 10 °С
валюта бағамы
USD 447.67
EUR 491.36
RUB 5.74
CNY 63.07

Биыл елордада 20 мыңнан астам бала мектеп табалдырығын аттайды

2019 жылдың 24 шілде 2019 16:05

НҰР-СҰЛТАН. ҚазАқпарат – Елорда мектептеріне жаңа оқу жылында 20 мыңнан астам бала бірінші сыныпқа барады, деп хабарлайды ҚазАқапарт тілшісі.

Нұр-Сұлтан қаласының білім беру басқармасының басшысы Әнуар Жанғозин елорда мектептерінде үш ауысыммен білім беру мәселесі әлі шешімін таппай жатқанын айтады.

«2018-2019 оқу жылында қаладағы 5 мектеп 3 ауысымды режімде білім берген болатын. Бұл мәселені №24,40,28,57 және 64 мектептерге жанама ғимараттар ашу арқылы шешеміз. Сонымен қатар, 3 жаңа мектеп қолданысқа беріледі. Биыл бірінші сыныпқа тағы 23-24 мың бала барады деген есеп бар. Яғни үш ауысымды режім мәселесі әлі де бар», - деді басқарма басшысы.

Ануар Жанғозиннің айтуына қарағанда, елорда мектептеріне 200 педагог жетіспейді.

«Өткен оқу жылында қала мектептерінде 162 мың бала оқыса, биыл олардың саны 182 мыңнан асуы мүмкін. Бізге 200 мұғалім жетпейді. Әсіресе, бастауыш сынып оқушылары мен тәрбиешілер қажет. Мұғалім тапшылығын шешу үшін жас мұғалімдерге арналған жатақхана салып жатырмыз. Тамыз-қыркүйек айларында қолданысқа беру жоспарланған. Сондай-ақ, тұрғын үй сертификаттарымен қамту жалғасуда. Қаізрге дейін мұғалімге сертификат берілді», - деді ол.

Автор Есімжан Нақтыбай
Басты сөздер: Нұр-Сұлтан, Білім,
Жоғары қарай