Ауа райы
Астана 28 °С
Алматы 24 °С
валюта бағамы
USD 412.55
EUR 454.18
RUB 5.81
CNY 57.66

Биыл Түркістан облысында 900 шақырым жол жөнделеді

2020 жылдың 9 сәуір 2020 10:56

ТҮРКІСТАН. ҚазАқпарат - Түркістан облысында 900 шақырымнан астам жол жөнделеді, деп хабарлайды ҚазАқпарат өңірлік коммуникациялар қызметіне сілтеме жасап.

Түркістан облысында автомобиль жолдары мен елді мекен көшелерінің жалпы ұзындығы - 16 500 шақырым. Жергілікті маңызы бар автомобиль жолдарының жақсы және қанағаттанарлық жағдайдағы үлесі өткен жылы 74,1% құраса, биыл 77,6%-ға жеткізу көзделуде.

2019 жылы 1 740-қа жуық шақырым жол мен көшелерге құрылыс-жөндеу жұмыстары жүріп, 1 300-дей шақырымы пайдалануға тапсырылды. 2020 жылы құрылыс-жөндеу жұмыстарымен 917,9 шақырым жол мен көшелерді қамту көзделуде. Жыл қорытындысымен 605,6 шақырымы пайдалануға берілмек.

Облыс орталығы Түркістан қаласына көшелердің жалпы ұзындығы - 845 шақырым. Былтыр 86,4 шақырым көшеде жөндеу жұмыстары жүргізіліп, жақсы және қанағатты жағдайдағы үлесі 33,6%-ға жетті. Биыл 135,5 шақырым көшені жөндеу жоспарланған.

Шілде айында аталған жұмыстар толығымен пайдалануға беріледі. Түркістан қаласында жақсы және қанағатты жағдайдағы көшелер үлесін 49,4%-ға арттыру көзделуде.

Жоғары қарай