Ауа райы
Астана 9 °С
Алматы 7 °С
валюта бағамы
USD 421.58
EUR 496.83
RUB 5.53
CNY 62.20

Биыл Түркістанда 15 нысанның құрылысы аяқталып, пайдалануға беріледі

2020 жылдың 15 шілде 2020 22:30

ТҮРКІСТАН. ҚазАқпарат - Түркістан облысының әкімі Өмірзақ Шөкеев облыс орталығында бой көтерген тұрғын үй құрылысы мен әлеуметтік нысандардың құрылысын аралады. Бұл жөнінде облыс әкімінің баспасөз қызметіне сілтеме жасап ҚазАқпарат хабарлайды.

Түркістан қаласындағы тұрғын үй құрылысы жұмыстарына мониторинг жасау үшін тиісті жауапты мамандар бекітіліп, құрылысқа күн сайын мониторинг жүргізуде. Тұрғын үйлердің сырқы қасбетті, электр желілері мен ішкі әрлеу, есік-терезелер орнату жұмыстары жүргізілуде. Облыс басшысы алдағы күз айында ел игілігіне берілетін баспаналардың сапасына баса назар аударуды талап етеді.

Биыл Түркістан қаласында 15 нысанның құрылысы аяқталып, пайдалануға беріледі. Қаладағы көгалдандыру жұмыстарының барысын тексерген облыс әкімі биыл іске қосылатын жаңа нысандардың, драма театр, облыстық ғылыми-әмбебап кітапханасының құрылысын, Қожа Ахмет Яссауи мұражайы нысанының, «Тұңғыш Президент саябағы», Желілік саябақ құрылыстарын аралап көрді.






«Әзірет Сұлтан» тарихи-мәдени қорығының визит-орталығы мен «Ұлы дала елі» орталығы салынып жатқан жерлерде болды. Ққұрылыс жұмыстары жоспарға сай жүріп жатыр.

«Тұңғыш Президент саябағында» бүгінгі таңда су және кәріз жүйелері мен кіреберіс аркасының металл-конструкциясы толығымен аяқталған. Сатылы су бұрқақтың бетон құю жұмыстары жүргізілуде. 2 мың түп ағаш отырғызылып, аяқ жолдар төселуде.

Желілік саябақта су бұрқақ құрылысы мен жалпы суару жүйенің 1 кезеңі 100 пайызға орындалған.

Сыртқы суғару жүйелерінің құрылысы, ағаштарды отырғызу, газон төсеу жұмыстары мен аяқжолдар, керуен жолдары және канал жұмыстарының 95% аяқталған. Бассейн орнатылып, көгалдандыру, жарық шамдары қойылып, аяқ жол тақталары толық төселген.





































Жоғары қарай