Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

БҚО-да автокөлік аударылып, екі адам зардап шекті

2021 жылдың 23 мамыр 2021 21:09

ОРАЛ. ҚазАқпарат – Батыс Қазақстан облысында автокөлік аударылып, екі адам зардап шекті, деп хабарлайды ҚазАқпарат тілшісі.

БҚО Полиция департаментінің баспасөз қызметінен мәлім еткеніндей, оқиға 23 мамыр күні Орал-Атырау жолында Ақжайық ауданы аумағында болды.

Шамамен сағат 13.20-да Мерген ауылы тұсында 36 жастағы әйел техниканың ақауы салдарынан Toyota Camry автокөлігінің руліне ие бола алмай қалып, аударылуға жол берген.

Соның салдарынан жүргізуші мен 1987 жылғы жолаушы түрлі жарақаттармен Ақжайық аудандық орталық ауруханасына жеткізілді.

Қазіргі кезде оқиғаның мән-жайы анықталу үстінде.

Еске сала кетейік, бұдан бұрын Оралда жеңіл көлік автобуспен түйісіп, екі адамның жарақат алғанын жазған болатынбыз.


Жоғары қарай