Ауа райы
Астана 7 °С
Алматы 21 °С
валюта бағамы
USD 421.58
EUR 496.83
RUB 5.53
CNY 62.20

БҚО-да екі бала құдыққа құлап, қаза тапты

2020 жылдың 12 тамыз 2020 13:16

ОРАЛ. ҚазАқпарат – Батыс Қазақстан облысында екі бала құдыққа құлап, қаза тапты, деп хабарлайды ҚазАқпарат тілшісі.

БҚО Төтенше жағдайлар департаментінен мәлім еткеніндей, қайғылы оқиға 11 тамыз күні Жаңақала ауданы Бірлік ауылдық округінде болды.

Шамамен сағат 15.00-де қараусыз қалған 3 және 1 жасар екі бала жеке үйдің ауласындағы тереңдігі 3 метр суы бар құдыққа құлап кеткен. Олардың денесін сағат 18.30-да жергілікті тұрғындар шығарып алды.

БҚО ТЖ департаменті ата-аналардан балаларын қараусыз қалдырмауды өтінеді.

Еске сала кетейік, бұдан бұрын Оралда 4 бала Жайықты жүзіп өтпек болғанын жазған едік.


Жоғары қарай