Ауа райы
Астана 2 °С
Алматы 2 °С
валюта бағамы
USD 421.58
EUR 496.83
RUB 5.53
CNY 62.20

БҚО трассасында 1 адам қаза тауып, 4-еуі зардап шекті

2020 жылдың 25 қыркүйек 2020 18:52

ОРАЛ. ҚазАқпарат - Батыс Қазақстан облысында жол-көлік апаты болып, бір адам қаза тапты, тағы төрт адам зардап шекті, деп хабарлайды ҚазАқпарат тілшісі.

Облыстық денсаулық сақтау басқармасының баспасөз қызметінен мәлім еткеніндей, оқиға бүгін түсте Ақжайық ауданы Индер-Орал жолы бойында болды.

Сағат 13.40-та «Нива Шевроле» автокөлігінің аударылғаны жөнінде хабар түскен.

Көлікте 5 адам болған. Чапаев ауылының 26 жастағы тұрғыны жедел жәрдем келгенге дейін көз жұмды.

23 жастағы жігіт жабық бас-ми жарақатын алып, миы шайқалған, қолы сынған. 46 жастағы ер адам да аудандық ауруханаға жатқызылды. 30 жастағы әйел мен 22 жастағы жігіт амбулаторлық емдеуге жіберілді.

Қазіргі кезде оқиғаның жай-жапсары анықталу үстінде.


Жоғары қарай