Ауа райы
Астана -5 °С
Алматы 4 °С
валюта бағамы
USD 421.58
EUR 496.83
RUB 5.53
CNY 62.20

БҚО тұрғыны бас үйітемін деп күйіп қалды

2020 жылдың 1 тамыз 2020 14:12

ОРАЛ. ҚазАқпарат – Батыс Қазақстан облысында тұрғын қойдың басын үйітемін деп жүріп күйіп қалды, деп хабарлайды ҚазАқпарат тілшісі.

БҚО Төтенше жағдай департаментінің баспасөз қызметінен түскен мәліметке қарағанда, оқиға 31 шілде күні сағат 20.10-да Бәйтерек ауданы Мичурин ауылында болды.

Комсомол көшесі 62Б-мекенжайында тұратын 1956 жылғы тұрғын газ баллонының көмегімен қойдың басын үйіткен. Өрт қауіпсіздігі ережесін сақтамау салдарынан баллонның шлангісі шығып кетіп, ер адам 2-3 дәрежелі күйік жарақатын алған. Аяқтары, арқасы, кеудесі, беті күйген.

Денесінің 50 пайызын күйік шалған тұрғын қалалық көпбейінді ауруханаға жатқызылды.

Облыстық денсаулық сақтау басқармасы баспасөз қызметінің нақтылауынша, денесінің 50-55 пайызын күйік шалған ер адамның жағдайы ауыр. Дегенмен есін біледі, сұрақтарға жауап береді.


Жоғары қарай