Ауа райы
Астана 22 °С
Алматы 24 °С
валюта бағамы
USD 412.55
EUR 465.73
RUB 5.79
CNY 58.91

Бразилия коронавирус жұқтырғандар саны бойынша әлемде екінші орынға шықты

2020 жылдың 23 мамыр 2020 10:31

НҰР-СҰЛТАН. ҚазАқпарат – Бразилия коронавирус жұқтырғандар саны бойынша Ресейден озып, әлемде екінші орынға шықты, деп хабарлайды ҚазАқпарат dw.com-ға сілтеме жасап.

Америкадағы Джон Хопкинс университетінің мәліметінше, 23 мамырға қараған түні Бразилияда жалпы 330 890 коронавирус жұқтыру оқиғасы тіркелсе, Ресейде 326 448 болған.

Соңғы тәулікте Бразилияда 20 803 коронавирус жұқтырған, бұл елдегі пандемия кезіндегі рекорд көрсеткіш. Бір күнде індеттен 1001 адам қайтыс болса, пандемия басталғаннан бері 21 048 адам көз жұмған.

Дүниежүзілік денсаулық сақтау ұйымының (ДДСҰ) Төтенше жағдайлар бойынша басшысы Майк Райан жұма күні Оңтүстік Американы «індеттің жаңа ошағы», ал Бразилияны «ең көп зардап шеккен ел» деп атаған. Райан COVID-19 дертін жұқтырғандар мен одан көз жұмғандар саны елде ең көп Амазония аймағына назар аударды.

Бразилияда 2020 жылы COVID-19 пандемиясы салдарынан мемлекеттік қарыз рекорд дәрежеде өсуі күтілуде (ЖІӨ 93,5 пайызына дейін). Бұл соңғы 120 жылдағы бақылау жүргізілген кездегі жалпы ішкі өнімнің ең төмен құылдырауы (кем дегенде, ЖІӨ-нің 4,7 пайызы) болмақ. Бұл ретте, AFP агенттігінің хабарлауынша, елде індет жұқтырғандардың нақты саны жүргізілген зерттеу тестінің аз болуына байланысты 15 есе көп болуы да ықтимал.


Басты сөздер: Коронавирус, Әлем,
Жоғары қарай