Ауа райы
Астана 18 °С
Алматы 23 °С
валюта бағамы
USD 412.55
EUR 468.66
RUB 5.79
CNY 58.80

Британия экономикасы соңғы 40 жыл ішіндегі ең төменгі деңгейге дейін қысқарды

2020 жылдың 30 маусым 2020 17:40

БРЮССЕЛЬ. ҚазАқпарат – 2020 жылдың басында Ұлыбритания экономикасы 1979 жылдан бергі ең төменгі деңгейге дейін қысқарды, деп хабарлайды ҚазАқпарат тілшісі Reuters-ке сілтеме жасап.

Жалпы ішкі өнім қаңтардан наурызға дейін 2,2%-ға төмендеді, деп хабарлады Ұлттық статистика басқармасы. Бұл Reuters экономистерінің болжамынан да төмен болып шықты (2%).

Премьер-министр Борис Джонсон сейсенбі күні Британия экономикасын қалпына келтіруді жылдамдату бойынша өз жоспарын ұсынады. Инфрақұрылымға 5 млрд фунт стерлинг (6,13 млрд доллар) инвестиция тарту көзделіп отыр.

Англия банкі биыл экономикалық құлдырау соңғы үш ғасыр ішіндегі ең төменгі деңгейге жетуі мүмкін деп мәлімдеді.

Автор: Тимур Дүйсекеев


Басты сөздер: Әлем, Экономика,
Жоғары қарай