Ауа райы
Астана 30 °С
Алматы 30 °С
валюта бағамы
USD 412.55
EUR 468.66
RUB 5.79
CNY 58.80

«БЖК – 2025»: Болашақта микро және шағын кәсіпкерлікті несиелеу шарттары қандай болады

2020 жылдың 23 маусым 2020 09:40

НҰР-СҰЛТАН. ҚазАҚпарат – Ұлттық экономика министрі Руслан Дәленов «Бизнестің жол картасы 2025» бағдарламасы шеңберінде микро және шағын кәсіпкерлікті микронесиелеу шарттары қандай болатынын айтып берді, деп хабарлайды ҚазАқпарат тілшісі.

«Бизнестің жол картасы 2025» бағдарламасы шеңберінде Мемлекет басшысының тапсырмасы бойынша жаңа бағыт іске қосылады. Бұл – микро және шағын кәсіпкерлікті микронесиелеу. Бизнестің осы санаты үшін субсидиялау есебінен кредиттер 6% мөлшерлеме бойынша қолжетімді болады», - деді министр Үкімет отырысында.

Оның айтуынша, несиелер айналым қаражатты толықтыруға 5 млн теңгеге дейін, ал өндірістік қажеттіліктерге 20 млн теңгеге дейін берілетін болады. Қызмет түрлері бойынша шектеулер болмайды.

«Сонымен қатар мемлекет несие мөлшерінің 85%-не дейін кепілдік беруді қамтамасыз етеді. Несиені коммерциялық банктер мен микроқаржылық ұйымдар береді. Субсидиялау және кредиттерді кепілдендіру рәсімдері барынша жеңілдетіледі. Бағдарламаның негізгі мақсаты - микро және шағын бизнесті жеңілдетілген несиемен барынша қамту», - деді ол.


Жоғары қарай