Ауа райы
Астана -4 °С
Алматы -2 °С
валюта бағамы
USD 381.10
EUR 420.81
RUB 5.65
CNY 54.57

ЦСКА-дан жеңілген «Барыстың» ҚХЛ кестесіндегі жағдайы қандай

2019 жылдың 3 қараша 2019 02:17

НҰР-СҰЛТАН. ҚазАқпарат – Елордалық «Барыс» мәскеулік ЦСКА-дан жеңілгеннен кейін Құрлықтық хоккей лигасының кестесінде қандай орынға жайғасты?

Бұған дейін хабарлағанымыздай, «Барыс» өз айдынында мәскеулік ЦСКА-ны қабылдап, 3:0 есебімен ойсырай жеңілді.

Қонақтар сапында шайбаны Богдан Киселевич (40-минутта), Михаил Григоренко (53-минутта) және Кирилл Капризов (59-минутта) соқты. Осылайша, «Барыста» 30 ұпай қалды және ол лиганың Шығыс конференциясында төртінші орынға орналасты. Көшбасшы клуб – Қазанның «Ақ Барысынан» жеті ұпай артта қалып отыр. Чернышевтің дивизионында Андрей Скабелканың командасы Омскінің «Авангардынан» кейін екінші орынға жайғасты.

Ендігіде ҚХЛ-да үзіліс. Елордалық клуб келесі матчын 12 қараша күні Череповецте «Северстальға» қарсы өткізеді.

Автор Мира Төлендіқызы
Басты сөздер: Спорт,
Жоғары қарай