Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Данияр Елеусіновтің әлем чемпионы титулы үшін айқасатын жаңа қарсыласы белгілі болды

2021 жылдың 1 желтоқсан 2021 10:32

НҰР-СҰЛТАН. ҚазАқпарат – Қазақстандық боксшы Данияр Елеусіновтің (10-0, 6 КО) келесі жекпе-жектегі қарсыласы ауысты, деп хабарлайды ҚазАқпарат Sports.kz-ке сілтеме жасап.

Boxrec.com сайтының мәліметінше, Елеусіновтің жаңа оппоненті аргентиналық Хуан Эрнан Леаль (15-1, 4 КО) болмақ. Жекпе-жек он екі раундқа есептелінген, олар IBO нұсқасы бойынша жартылай орта салмақта әлем чемпионы вакантты титулы үшін айқаспақ.

Еске сала кетейік, әуеліде Данияр Елеусінов мексикалық боксшы Данте Хардонмен (34-7, 25 КО) жұдырықтасуы тиіс болған. Алайда ол спарринг кезінде қолын сыдырып алды.

Елеусінов — Леаль жекпе-жегі 18 желтоқсан күні Нұр-Сұлтан қаласында өтпек. Данияр соңғы рет шаршы алаңға бір жыл бұрын 2020 жылғы қарашада шыққан болатын. Онда ол Джулиус Индонгоны (23-4, 12 КО) екінші раундта нокаутпен жеңді.


Басты сөздер: Бокс, Спорт,
Жоғары қарай