Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Данияр Елеусіновтің кезекті қарсыласы белгілі болды

2021 жылдың 23 қараша 2021 09:59

НҰР-СҰЛТАН. ҚазАқпарат – Қазақстандық жартылай орта салмақтағы кәсіпқой боксшы Данияр Елеусіновтің (10-0, 6 КО) 18 желтоқсанда Нұр-Сұлтанда өтетін жекпе-жегіндегі қарсыласының есімі белгілі болды, деп хабарлайды ҚазАқпарат Sports.kz сайтына сілтеме жасап.

Спортшының менеджері Зия Әлиевтің айтуынша, ол «Есі кеткен» лақап атымен танымал мексикандық боксшы Данте Хардон (34-7, 25 КО) болмақ. Боксшылар IBO нұсқасы бойынша жартылай орта салмақтағы әлем чемпионы атағы үшін айқасады.

Хардон 27 тамызда Ұлыбританияда өткен соңғы жекпе-жегінде қарсыласы, жергілікті боксшы Энтони Томлинсонды (13-1, 7 КО) нокаутқа түсіріп, IBO Inter-Continental нұсқасы бойынша жартылай орта салмақтағы чемпиондық атақты жеңіп алған. Елеусінов болса, соңғы рет 2020 жылдың қараша айында АҚШ-та өткен жұдырықтасуында бұрынғы әлем чемпионы Джулиус Индонгоны (23-4, 12 КО) мерзімінен бұрын жеңіп, IBF Inter-Continental титулына ие болған.

Еске салсақ, 18 желтоқсан күні Нұр-Сұлтан қаласында ел Тәуелсіздігінің 30 жылдығына арналған кәсіпқой бокс кеші өтеді.



Басты сөздер: Спорт, Бокс,
Жоғары қарай