Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ДДҰ басшысы коронавирустың қазіргіден де қауіпті штамы пайда болуын ескертті

2021 жылдың 21 шілде 2021 10:26

МӘСКЕУ. ТАСС- ҚазАқпарат – Дүниежүзілік денсаулық сақтау ұйымының (ДДҰ) директоры Тедрос Адан Гебрейесус дельта нұсқасынан да қауіпті штамының пайда болу қаупі туралы ескертті, деп хабарлайды ҚазАқпарат ТАСС агенттігіне сілтеме жасап.

Бұл туралы ол сәрсенбіде Токиода Халықаралық Олимпиада комитетінің (ХОК) 138-сессиясында сөйлеген сөзінде айтты.

«Вирус кеңінен таралған сайын, оның дельта нұсқасына қарағанда қауіптірек нұсқасы пайда болуы мүмкін. Мұндай нұсқалары көбейген сайын, олардың біреуі болмаса біреуіне вакцинамыз қарсы тұра алмай қалуы ықтимал. Соның салдарынан біз әу бастағы жағдайымызға түсіп, қайта басынан бастауға тура келеді», – деді ол.

ДДҰ директоры одан «Пандемия қашан аяқталады?» деп жиі сұрақ қойылатынын айтты.

«Шынында да, ковид пен пандемия бізді көптеген мәселеге бетпе-бет әкелді... Пандемия – бұл сынақ және әлем оны жеңе алмай жатыр», – деді ол.

Гебрейесус әлемнің пандемияны тоқтата алмай отырғанының өзіндік себебі бар деді. «Барлық қажетті құралдар бар» болғанымен, «нақты саяси міндеттемелердің жоқтығынан» осындай жағдай орын алып отырғанын алға тартты.

«Елдердің үкіметтері, әсіресе G20, ұжымдық ерік-жігер танытып, адам өмірін сақтап қалу үшін барлық шараны қолдануы керек. Олар вакцинамен бөлісіп, вирусты алдын алуға стимул берсе, пандемияны бірнеше айда бақылауға ала алады», – деп қосты ол.

Жоғары қарай