Ауа райы
Астана -11 °С
Алматы -2 °С
валюта бағамы
USD 421.58
EUR 496.83
RUB 5.53
CNY 62.20

Димаш «Қытай дауысына» қатысып жатқан қандасымызға сәттілік тіледі

2020 жылдың 12 қазан 2020 19:19

НҰР-СҰЛТАН. ҚазАқпарат – Әнші Димаш Құдайберген Қытайдағы «Sing! China» байқауына қатысып жатқан қандасымыз Мадина Думанқызына сәттілік тіледі, деп хабарлайды ҚазАқпарат.

«Бүгін Мадина Думан атты қарындасымыздың әуелеген әнін тыңдадым. «Қытай дауысы» жобасының тәлімгері Ли Цзянь мырзаға менің әнімді таңдағаны үшін алғыс айтамын. «I am singer» байқауында мен сырқаттанын қалған кезде Ли маэстро да қалпыма келуім үшін сирек дәрі әкеліп, көмектесіп еді», - деп жазды әнші Instagram парақшасында .

Сонымен қатар Димаш Мадинаға да «Ұмытылмас күн» әнін шебер орындағаны үшін рахмет айтты.

«Қайда болсын осы әнді шырқаймын десеңіздер қарсылығым жоқ. Осындай керемет әншінің шығармамды орындап жатқаны мен үшін зор бақыт. Сәттілік Мадина. Атақ-абыройы асқақ әншіге айналарыңа сенімдімін. Армандарға қадам баса бер», - деп жазды әнші.

Еске сала кетсек бұған дейін Қытайдағы танымалы өнер бәсекесінің бірі саналатын «Қытай дауысы» (Sing! China) музыкалық жобасына қатысып жатқан қандасымыз Мәдина Думанқызы Димаштың «Ұмытылмас күн» әнін орындаған еді.



Автор Аян Бекенұлы
Басты сөздер: Димаш Құдайберген, Қытай,
Жоғары қарай