Ауа райы
Астана -4 °С
Алматы 3 °С
валюта бағамы
USD 376.72
EUR 408.67
RUB 5.76
CNY 53.68

Дүниежүзілік денсаулық сақтау ұйымы Уханьдағы вирус туралы ескерту жасады

2020 жылдың 18 қаңтар 2020 11:26

НҰР-СҰЛТАН. ҚазАқпарат - Дүниежүзілік денсаулық сақтау ұйымы Қытай билігінен Уханьдағы жаңа вирусқа қатысты зерттеулердің қалай жүріп жатқаны және қандай шаралар қабылданғаны туралы жедел ақпарат беріп отыруды сұрады, деп жазады ҚазАқпарат Vox.com-ға сілтеме жасап.

«ДДҰ Уханьдағы шаралар туралы міндетті түрде ақпарат алмасып отыруды сұрайды», делінген агенттік хабарламасында.

2003 жылы Қытайда жаңа вирусты пневмония кең тарағанда мемлекет ақпаратты ұзақ уақыт жасырғаны үшін қатаң сынға ұшыраған болатын. Ол кезде вирусты 8 мың адам жұқтырып, 774 адам қайтыс болған еді.

«Қазіргі таңда жаңа вирус оңтүстік Қытайдағы Хуанань жерінде кең тараған. Вирусты көбіне іскер азаматтар мен базардағы сатып алушылар жұқтырған», деп жазады басылым.

Автордың айтуынша, АҚШ-тағы үш әуежайда 17 қаңтардан бастап жолаушылардың денсаулығы тексерілетін болады.

«Вирус Таиландтың екі азаматынан, Жапонияның бір азаматынан анықталды. Бұған дейін 2019-nCoV вирусы жануарлардан адамға жұғады деп айтылды. Дегенмен, ДДҰ жаңа вирусты ауруға шалдыққандарды саралай келе жаңа вирус адамнан адамға жұғуы мүмкін екенін ескертеді», деп жазады басылым.

Айта кету керек, жаңа вирус туралы 31 желтоқсанда белгілі болды. Қытай 5 қаңтар күні жаңа вирус анықталғанын хабарлады.



Автор Айкүміс Болатбек
Басты сөздер: Қытай, Медицина, Оқиға,
Жоғары қарай