Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Джо Байден АҚШ-та пандемиямен күрестің жаңа ережесін енгізбек

2021 жылдың 21 қаңтар 2021 08:06

ВАШИНГТОН. ҚазАқпарат – АҚШ ауруларды бақылау және алдын алу орталығы елде 15,7 миллионнан астам коронавирус вакцинасы жасалып, вакцинаның 31 миллионнан астам дозасы вакцинация пункттеріне жеткізілгенін хабарлады, деп жазады ҚазАқпарат BBC-ге сілтеме жасап.

Өкінішке қарай, АҚШ науқастардың саны бойынша бірінші орында. Сол себепті жаңадан сайланған президент Джо Байден инаугурациядан кейін жағдайдың бақылаудан шығуына немесе шиеленісуіне жол бермейтінін айтты.

Ақ үй әкімшілігінің жаңа басшысының айтуынша, билікте болған алғашқы күндері Байден пандемиямен күресудің жаңа ережелерін жариялауға ниетті. Атап айтқанда, «100 күндік маска сынағы» («100 Day Masking Challenge») басталады.

Бұл уақытта маска кию барлық федералды нысандар аумағында, сондай-ақ мемлекеттер шекарасын кесіп өту кезінде міндетті болады. Бұған дейін Байден Вашингтонда өткен коронавирустан қайтыс болған 400 мыңнан астам америкалықты құрметпен еске алу рәсіміне қатысты.


Басты сөздер: Коронавирус, Америка, Әлем,
Жоғары қарай