Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ЕАЭО-ның даму стратегиясының сапалы әрі жедел орындалуы маңызды - Президент

2021 жылдың 21 мамыр 2021 17:10

НҰР-СҰЛТАН. ҚазАқпарат – Еуразиялық экономикалық одақтың даму стратегиясының сапалы әрі жедел жүзеге асырылуын қамтамасыз ету маңызды. Бұл туралы Жоғары еуразиялық экономикалық кеңестің отырысында Қазақстан Президент Қасым-Жомарт Тоқаев айтты, деп хабарлайды ҚазАқпарат тілшісі.

«Еуразиялық экономикалық одақ органдарына Қазақстанның төрағалық етуіне байланысты менің Жолдауымда біздің интеграцияны дамытудың 5 басымдығы айқындалған. Олар экономикалық интеграцияны дамыту стратегиясының мақсаттары мен міндеттерімен тығыз байланысты және бүгінгі талапқа жауап береді. Біз одағымыздың тарихындағы ең бірінші стратегиялық құжатты жүзеге асыруды бастадық»,- деді Қазақстан Президенті.

Мемлекет басшысы аталған стратегия қысқа мерзімді келешекте экономиканың барлық салаларындағы және халықаралық ынтымақтастықтағы интеграция мен өзара іс-қимылдың басымдықтарын айқындап бергенін баса айтты.

«Сондықтан одақты дамыту стратегиясын сапалы әрі жедел жүзеге асырылуын қамтамасыз ету маңызды. Бұл, әрине, біздің өзімізге байланысты», - деді Қасым-Жомарт Тоқаев.


Жоғары қарай