Ауа райы
Астана 0 °С
Алматы -2 °С
валюта бағамы
USD 421.58
EUR 496.83
RUB 5.53
CNY 62.20

Егде жастағы ұры және гауһартас тонаушы: елордада бірнеше қылмыс ашылды

2020 жылдың 26 қыркүйек 2020 12:33

НҰР-СҰЛТАН. ҚазАқпарат - Елорда полициясы өткен тәулікте бірқатар ұрлықты анықтады, деп хабарлайды ҚазАқпарат Нұр-Сұлтан қаласы ПД баспасөз қызметіне сілтеме жасап.

Жедел-іздестіру шаралары барысында полиция қызметкерлері 70 жастағы зейнеткерді ұстады. «Кафеде болған кезде қарт адам қасында отырған бір отбасының үстелге ұялы телефондарын қойғанын көрген. Шығып бара жатып, ол өзінің әрекетін ешкімнің көрмегенін байқап, үстел үстінде жатқан жалпы құны 150 мың теңгелік екі ұялы телефонды жымқырып кетті», - делінген хабарламада.

Бұрын ұрлық жасағаны үшін сотталған зейнеткер бұл қылмысын мойындады. Күдіктіге қатысты сотқа дейінгі тергеу амалдары жүргізілуде. Ұрланған телефондар тәркіленіп, иесіне қайтарылды. Сонымен қатар полицейлер қымбат зергерлік бұйымдарды қолды еткен 33 жастағы ұрлықшыны ұстады.

Аталған факті бойынша ҚР ҚК 188-бабы («Ұрлық») бойынша сотқа дейінгі тергеу жүргізілуде. Оның Елорда аумағында бұрын жасалған ұқсас қылмыстарға қатыстылығы тексеріліп жатыр.


Жоғары қарай