Ауа райы
Астана -15 °С
Алматы 6 °С
валюта бағамы
USD 421.58
EUR 496.83
RUB 5.53
CNY 62.20

Екпінді жел, қар, жаңбыр: 27 қазан күнгі ауа рай болжамы

2020 жылдың 27 қазан 2020 00:45

НҰР-СҰЛТАН. ҚазАқпарат – 27 қазан күні Қазақстан аумағының басым бөлігінде қар мен жаңбыр түрінде жауын-шашын жауады. Елдің тек батысында, оңтүстік-батысында және оңтүстік-шығысында жауын-шашынсыз ауа райы күтіледі. Республиканың кей жерлерінде тұман, көктайғақ, желдің күшеюі күтіледі. Солтүстік өңірлерде жаяу бұрқасын, оңтүстікте шаңды дауыл болжанады, деп хабарлайды ҚазАқпарат.

«Қазгидромет» РМК мәліметінше, Жамбыл, Қызылорда облыстарының кей жерлерінде 15-20 м/с күшпен жел соғады, күндіз екпіні 23-28 м/с артады. Жамбыл облысының оңтүстік-батысында желдің жылдамдығы 30 м/с және одан аса күшейеді.

Түркістан облысының кей жерлерінде шаңды дауыл тұрып, 15-20 м/с екпіндегі желдің күші күндіз 23-28 м/с артады.

Қостанай, Солтүстік Қазақстан, Ақмола облыстарының кей жерлерінде тұман, көктайғақ, жаяу бұрқасын күтіледі, желдің екпіні 23-28 м/с күшейеді.

Қарағанды, түнде Шығыс Қазақстан облыстарының кей жерлерінде тұман, көктайғақ болжанады. Түнде кей жерлерде, күндіз басым бөлігінде 15-20 м/с күшпен жел соғады. Күндіз екпіні 23-28 м/с жетуі ықтимал.

Павлодар облысының кей жерлерінде тұман күтіледі, жел түнде басым бөлігінде 15-20, кей жерлерінде 23-28 м/с күшейеді.

Ақтөбе облысының кей жерлерінде тұман, көктайғақ болады. Күндіз желдің екпіні 23 м/с күшейеді.

Алматы облысының Жалаңашкөл ауданында күндіз желдің екпіні 25 м/с артады.

Батыс Қазақстан, түнде және таңертең Атырау облыстарының кей жерлерінде тұман болады.

Басты сөздер: Қазгидромет, Ауа райы,
Жоғары қарай