Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Елдос Сметов - Токио Олимпиадасының қола жүлдегері

2021 жылдың 24 шілде 2021 16:22

ТОКИО. ҚазАқпарат -Дзюдодан Қазақстан командасының үздігі Елдос Сметов Токио Олимпиадасының қола жүлдегері атанды, деп хабарлайды ҚазАқпарат Olympic.kz сайтына сілтеме жасап.

60 келі салмақта сынға түскен Елдос қола үшін жекпе-жекте Нидерланд өкілі Торние Цакаджоені жеңді. Жеңімпаз қосымша уақытта анықталып, Елдос «ваззари» ұпайын иеленді.

Осылайша, қазақстандық дзюдошы Токио Олимпиадасының қола медалін иеленді.

Еске сала кетсек, Елдос Сметов жартылай финалдық айқаста жапондық Наохисе Такатоға жол берді.

Айта кеткен жөн, Елдос 2016 жылғы Олимпиадада дәл осы салмақта күміс жүлдеге ие болған еді. Сонымен қатар Әлем чемпионы (2015), Азия ойындары мен чемпионатының жеңімпазы. Ал Наохиса Такато Бразилияда өткен төрт жылдықтың басты бәсекесінде қоланы қанағат тұтқан болатын.







Басты сөздер: Спорт,
Жоғары қарай