Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Елорда әкімі үлескерлер мәселесі қалай шешіліп жатқанын айтты

2021 жылдың 15 қазан 2021 14:47

НҰР-СҰЛТАН. ҚазАқпарат – Елорда әкімі Алтай Көлгінов үлескерлер мәселесі қалай шешіліп жатқанын айтты, деп хабарлайды ҚазАқпарат тілшісі.

«Үлескерлер проблемасы өзекті екені белгілі, 15 мың отбасы өзінің баспанасына қол жеткізе алмай жылдар бойы күтті. «Сақалды құрылыс» атанған 150 көпқабатты үй болса, соның 90-ны биыл бітеді. Осы орайда 2019 жылы 13 үй (2,7 мың отбасы) тапсырылса, 2020 жылы 20 тұрғын үй (2,7 мың отбасы) берілді, ал биыл 57 көпқабатты тұрғын үйдегі 7 мыңнан астам отбасы өз пәтерлерінің кілттерін алады», - деді А. Көлгінов елорда мәслихатының кезектен тыс сессиясында.

Оның айтуынша, үлестік құрылыста құжатнама, жобалау-сметалық құжат бойынша мәселелер туындап, қаржыландыруда проблемалар, сондай-ақ алаяқтық әрекеттері болды.

«Қаржыландыру қамтамасыз етілді. Бюджет қаражатын қайтаруымыз керек. Тағы 90 млрд теңге жеке инвестиция тарттық», - деді қала әкім.

«Қазір үлескерлер әрбір үй бойынша жұмыстар жүріп жатқанын көріп отыр. Инвестор бар, бюджеттен қаржыландыру ескерілген», - деді ол.


Жоғары қарай